کنیڈا کا کشمیر میں تعینات بھارتی فوجیوں کو ویزہ دینے انکار

نیو دہلی،مانیٹرنگ ڈیسک

بھارت میں G20 سربراہی اجلاس بہت ساری وجوہات کی بناء پر خبروں میں رہا ہے تاہم کثیر جہتی ایونٹ کی شاندار کامیابی کے درمیان، ہندوستان اور کینیڈا کے درمیان ایک تنازعہ بھی کھل کر سامنے آ گیا ہے۔

ایک ریٹائرڈ ہندوستانی سفارت کار وویک کاٹجو جو افغانستان اور برما میں سفیر کے طور پر خدمات انجام دے چکے ہیں، نے بڑھتے ہوئے تناؤ کی بنیادی وجوہات پر گفتگو کرتے ہوئے ایک چونکا دینے والا انکشاف کیا ہے کہ کینیڈا نہ صرف جموں و کشمیر میں تعینات بھارتی فوجیوں کے ویزے کو مسترد کرتا ہے بلکہ ان کی ویزا درخواستوں میں ان کی سروس کا مقام بھی پوچھتا ہے۔

انہوں نے کہا، "کینیڈا باقاعدگی سے بھارتی سیکورٹی فورسز کے ارکان کو ویزا دینے سے انکار کرتا ہے جنہوں نے جموں اور کشمیر میں خدمات انجام دیں۔
بشمول بہت سینئر لوگ جنہوں نے کینیڈا ویزا کی درخواستیں دیں ان سے کہا جاتا ہے کہ یہ سیکیورٹی اہلکار کینیڈین کو ان جگہوں کے بارے میں بتائیں جہاں انہوں نے خدمات انجام دی ہیں۔ یہ اکثر خفیہ ہوتا ہے۔”وویک کاٹجو نے یہ انکشاف ایک بھارتی چینل کے شو میں کیا

انہوں نے مزید کہا، "اب، مجھے نہیں معلوم کہ بھارتی حکومت نے کبھی اس پر اعتراض کیا ہے کہ نہیں۔ یہ اس وقت کی بات ہے جب میں وزارت (وزارت خارجہ) میں سیکرٹری اور کینیڈا کے ساتھ تعلقات کے انتظام کا انچارج تھا۔ مجھے تب یاد ہے، اور میں سمجھتا ہوں کہ آپ کے ناظرین کے لیے یہ جاننا ضروری ہے کہ انہوں نے بارڈر سیکیورٹی فورس (BSF) کے ایک رکن کے ساتھ ایسا کیا تھا اور میں نے کینیڈین ہائی کمشنر کو بلایا تھا اور کہا تھا کہ یہ ناقابل قبول ہے۔

انہوں نے بتایا کہ اس واقعے کو تیرہ برس بیت چکے ہیں۔ "میں ذاتی طور پر محسوس کرتا ہوں کہ اب وقت آ گیا ہے جب بھارتی حکومت کو تمام سیکورٹی اہلکاروں بشمول ریٹائرڈ اہلکاروں کو ایک ایڈوائزری بھیجنی چاہیے کہ وہ ویزہ درخواستوں کے سلسلے میں کینیڈینوں کی طرف سے مانگی جانے والی اس قسم کی معلومات کا جواب نہیں دیں گے اور یہ کہ ہمارے پاس ایک ایڈوائزری ہونی چاہیے۔ ان کے ساتھ کھل کر بات کریں کیونکہ یہ مکمل طور پر ناقابل قبول ہے۔

شو میں بھارتی صحافی گورو سی ساونت نے اس معاملے کی وضاحت کی اور انکشاف کیا، "وہ دراصل ہر تفصیل سے پوچھتے ہیں۔ ریٹائرڈ افسران کے لیے ویزا میں ایک الگ کالم ہے چاہے آپ CRPF (سینٹرل ریزرو پولیس فورس)، بی ایس ایف، انڈین آرمی، نیوی یا ایئر فورس کے ساتھ ہوں۔

انہوں نے مزید کہا، "اگر آپ نے جموں و کشمیر میں خدمات انجام دی ہیں تو آپ کو اس سال کا ذکر کرنا ہوگا جب آپ نے جموں و کشمیر میں خدمات انجام دیں، جموں و کشمیر میں آپ نے کس علاقے میں خدمات انجام دیں اور ڈیوٹی، چاہے آپ بریگیڈ کمانڈر تھے یا ڈویژن کمانڈر۔ کولگام میں، ووسن میں، کنگن میں ان سب جگہوں کا آپ کو ذکر کرنا ہے۔